ARU TUBARANI (Sumpah Setia Kepada Raja)

“ARU TUBARANI”

TABE KIPAMMOPORANG MAMA’ KARAENG

RIDALLEKANG MALABBIRITTA

RISA’RI KARATUANTA RIEMPOANG MATINGGITA

TOJENG… TOJENG-TOJENG KARAENG

INAKKE MINE KARAENG ATA MATTOJENG-TOJENGTA

APPAU MAMAKI KARAENG NAIKAMBE MAPPAJARI

ANJO’JO’MAMAKI KARAENG NAIKAMBE MA’PA’RUPA

TOJENG… TOJENG-TOJENG KARAENG

INAI-NAI MAMI SALLANG KARAENG

LAMPA TETEKI RIADA’ LAMPA ONJO’KI RI KONTU TOJENG

KUPANNEPOKANGI SALLANG BALEMBENG RI BARUGAYA

TOJENG… TOJENG-TOJENG KARAENG

IKATTEMI ANTU KARAENG

MINASA ALLO BANGNGIKU PANRANNUANG MASUNGGUKU

IKATTE ANGING KARAENG NAIKAMBE LEKO’ KAYU

AMMIRIKKO ANGING NAMARUNANG LEKO’ KAYU

IKATTE JE’NE KARAENG NAIKAMBE BATANG MAMMAYU

SOLONGKO JE’NE NAMAMMAYU BATANG KAYU

IKATTE JARUNG KARAENG NA IKAMBE BANNANG PANJAI’

ANTA’LEKO JARUNG NAMAMMINAWANG BANNANG PANJAI’

TOJENG… TOJENG-TOJENG KARAENG

PUNNA SALLANG TAKAMMAYA ARUKU RIDALLEKANTA

PANGKAI JERAKKU TINRAKI BATE ONJOKKU

PAUANGI ANA’ RIBOKO PASANGI ANA’ TANJARI

TUMAKKANAYYA KARAENG TANA RUPAI JANJINNA

DASI NA DASI NAKITARIMAI PANGNGARUKU

Versi Bahasa Indonesia : "Sumpah Sang Pendekar"